Plantun de Prouvènço

Pèr coumpara dos planto d'encò nostre

Scutellaria alpina & Picea abies

Scutellaria alpina

Lamiaceae Labiaceae

Noms en français : Scutellaire des Alpes, Toque des Alpes.

Descripcioun :
L'escudello-dis-Aup trachis en mountagno ounte pòu curbi de bèu relarg sus lis esboudèu o li pelouso cauquiero. Emé si flour à casco vióuleto, bluio e blanco, si bratèio en escaumo e si fueio óupousado longo de 18 à 25 mm, i'a pas trop pèr s'engana.

Usanço :
Sèmblo que, coume l'escudello, siegue uno planto febrifujo.

Port : Erbo
Taio : 5 à 30 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Scutellaria
Famiho : Lamiaceae
Famiho classico : Labiaceae

Coulour de la flour : Bluio
Petalo : irreguliero
Ø (o loungour) flour : 2,3 à 2,5 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à avoust

Liò : Pelouso - Esboudèu
Estànci : Subremediterran à Aupen
Couroulougi : Ouroufito-Éurasiatico
Ref. sc. : Scutellaria alpina L., 1753

Serento

Picea abies

Pinaceae

Àutri noum : Serénta, Sarento, Sourento, Serinte, Sùfi.

Noms en français : Epicéa, Épicéa commun.

Descripcioun :
Pèr pas s'engana emé lou sapin fau regarda coume soun lis aguio o peréu li pigno (o vacheto). Li fueio de la serento soun estacado tout à l'entour de la ramo coume uno brosso, au contro de li dóu sap que soun tóuti dins lou meme plan coume un penche. De nouta pamens qu'acò marcho pas pèr d'ùni sap fourestié (coume Abies pinsapo). Li pigno pendoulon, alor qu'encò dóu sap, quouro li poudès vèire, se tènon bèn drecho.

Usanço :
I'a touto meno d'utilisacioun dóu bos segound sa qualita. La pegoulo (resino) èi di proun vulneràri. Foundudo, servié, à passa tèms, pèr sougna li tigno (J.-R. Fortoul). Li jóuini fueio soun manjadisso (ensalado, pèis), an lou goust de citroun.